101

نكت جزائرية مضحكة

نكت جزائرية

نكت جزائرية اجمل المواقف الجزائرية نكت جديدة مضحكة جزائرية نكت للفيس بوك جزائرية نكت جزائرية مرة وحدة هي و زميلتها قاعدين يحكيو الاولى قالت انا زوجي ديما ينسى بورتابله و المفتاح نتاع الطاكسي
هدرت الاخرى قاتلها تنتي عندك الزهر انا زوجي كل يوم
يقولي وين شفتك من قبل

نكت جزائرية
نكت جزائرية

التقى كذابان أحدهما من القطب الجنوبي و الاخر من الشمالي فقال الاول:إن البرد عندنا كثير لدرجة أن النار قد تجمدت فقال الثاني: أما البرد عندنا وصل الى درجة أننا لا نسمع كلام بعضنا حتى نضعه في الماء الساخن

واحد الراجل ومراتو سافرو يقضيو شهر العسل
فأمريكا كي دخلو للفندق
هذيك لامرأة شافت فار وبدات تعيت فار فار ..
راجلها معرفش كيفاش يقولو الفار بالانجليزية

تصل بالادارة قالهم
:husband: Hello
.Reception: Hello
Husband: Do you know Tom and Jerry
Reception: Yes

………………….Husband…Jerry is her

قلك واحد حابس كان يمشي حتى صاب ورقة تاع تريسنتي فراح خلصها

غبيان في مطعم طلب الغبي الأول عصير ليمون عليه ليمونة

فطلب الثاني حليبا عليه بقرة

اثنين ساكنين في خيمة و راقدين على ظهورهم في الليل شاف الأول في السماء و قال للثاني وش تشوف ؟

قال اشوف نجوم كثيرة ، قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي .

قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا في العرس مول dj كان داير الغنية نتع ( هو السراق والله ما أنيا) و كي كان المغني يقول هو السراق مول dj ينقص للغنية والغاشي يعاود موراه والله ما أنيا المهم بقاو هكذاك حتى خلاصت الغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح
مول dj ما نعرف وش سرقولوا بايت يحلف فينا

الـثـلاجـة الأوروبية :
لبـن قـلـيـل الـدسـم .. لحـوم “بنسـبة قـلـيـلـة فـقـط”
خـضـروات
ورق عــنـب .. شوكـلاتـه .. بـيــض .. كيـوي وتـوت .. عـصـيـر بـرتـقـال .. كـوكـا كـولا

الثـلاجـة االجزائرية:
لعـدس تاع البـارح فالكـاسـرونـة .. نـص باطة فـرمـاج (اذا كان) .. حشيش ومعدنـوس مخـبيـة موراهم باطة ياغوت .. قراعـي ما سعيدة معمرين بالمـاء تع الروبـينـي .. نـص حبة قارص مـن رمـضـان .. كاشي تع الراس .. لي ڨوت تع العينين والسيرو تع السعلة

وأهم حاجة .. قرعة تع الخل من عهد الفينيقيين !!

قلك واحد حابس راح يدير السكنار على راسو فكتبلو السكنار NO DISK

واحد الغاشي ما يفهموا والو يعني حابسين …مثلا الكاوكاو اللي بالقشور يكتبولهم عليه عبارة( اضغط هنا )…التقاشر مكتوب عليهم ( يمين يسار)…… البنان مكتوب عليه ( يؤكل من الداخل ) الياوورت مكتوب فيه من الأسفل ( انتهى ) العلبة نتاع التونة مكتوب عليها ( لا تخف انه ميت )…معجون الأسنان مكتب فيه (بزق تسيل )….ههههههههه

 

واحد الإرهابي صدم على دار , صاب عجوز وشيخ راقدين , أيا صوب الكلاش ليهم وقال للعجوز واش اسمك ؟ قاتلو خيرة , قالها عندك الزهر على خاطر اسمك كيما اسم العجوز يما , وممبعد راح للشيخ وقالو واش اسمك ؟ قالو الطاهر ويعيطولي خيرة

 

واحد يبيع الحوت يعيط أياو الزرودية.
جا عندو واحد الراجل وقاله : نتا تبيع الحوت
وعلاش تقول الزرودية؟؟
قالو: باش ما يسمعونيش لقطوط…….!

مزطول راح للدكتور يشكي انه كل ما يرقد ‏يحلم بقطط يلعبو في الكرة . قالو الدكتور : مترقدش يومين .. قال المزطول: منجمش على خاطرغدوة La Final

واحد مزطول ماسك علبة مسامروطاح منهم مسمار قلو يا ولدي أرجع يرحم بوك ارجع…. المسمارمحبش يرجع …. كب علبة المسامر كلها و قال : جيبوووووووووووووه

أيا قالك المصري والجزائري دخلوا للمطعم وحد النهار , أيا الجزائري طلب راس خروف مشوي ووحدة بيبسي , المصري طلب سمك وبيبسي , وممبعد شوي المصري كلا السمك انتاعو وشرب البيبسي انتاعو وانتاع الجزائري , الجزائري قالو : وعلاش ؟؟ قالو المصري : السمك عايز يسبح, شاف معاه الجزائري وعطاه بدماغ ” راس ” وقالو : حتى الخروف عايز ينطح

وحدة سمينة بزاف…راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مور البالي

واحد دخل للملعب وهاز في يدو مغرف علاه؟…………………………حاب يحرك اللعب

قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة
السيد راح ثم رجع وقال للفارماسيان : خويا معليش نشربهم مور الريستورو

واحد الراجل لقا طفل صغير يبكي قالو وعلاش تبكي قالو البالو تاعي تفش, راح الراجل شرالو بالو واحد آخر وعطاهلو الطفل مازال يبكي , قالو الراجل علاه راك تبكي هاو البالو جديد , قالو الطفل لوكان ماتفشليش البالو الأول لوكان ضرك عندي زوج بالوات

 

 

واحد ديما يهز معاه قرلو ميت باش كي يروح للمطعم وياكل يحط القرلو في الماكلة وممبعد يروح يشكي , يقولو مول المطعم كول باطل وما تبهدلناش , ديما يدير هكذا , وحد المرة فاق بيه صاحبو قالو أعطيني كشما عندك قرلو ميت , قالو مازالي 4 نستقهوا بيهم

كان الحلاق شادد مغناطيس على راس زبون معبي بالشعر تعجب الزبون و قالو: واش تعمل ؟ قالو الحلاق: انحوّس على المقص!!!

واحد من كثر ما خسر بالبورصه طاح مريض
هزوه عند الدكتور
الدكتور وهويكشف عليه قالو يا الله ضغطك وصل 70 )
صاح المريض و قالو : بيع بيع بييييييييييع

واحد يبيع الحوت يعيط أياو الزرودية.
جا عندو واحد الراجل وقاله : نتا تبيع الحوت
وعلاش تقول الزرودية؟؟
قالو: باش ما يسمعونيش لقطوط…….!

قالك واحد راح للفرماسيان باش يشري الدواء … أعطالوا الفرماسيان 2 كاشيات نتاع الراس وقالو: ترشب 2 حبات وراء القهوة… قالك السيد راح ومبعد رجع وقال للفرماسيان: خويا ماعليش نشربهم وراء الريستورو

قالك خطرة واحد بلع نص حبة كاشي نتاع الرقاد رقد بعين وحدة

قلك واحد حابس إشترى تلفاز جديد كي شعلو في الدار صاب تلعب مقابلة في كرة القدم فراح جاب بيدون تاع ماء وفرغو عليه وقال للتلفاز :أيا كل واحد يروح يلعب قدام دارهم

كان جحا راكباً حماره حينما مر ببعض القوم وأراد أحدهم أن يمزح معه فقال له:
ياجحا لقد عرفت حمارك ولم أعرفك.
قال جحا:
هذا طبيعي لأن الحمير تعرف بعضها..؟
كان أحد الأساتذه يتميز بصلعة كبيره ملساء , وذات يوم بينما كان يحك صلعته بكلتا يديه قال له طالب متفلسف :” ياأستاذ، يقولون ان علاج الصلع هو ان تجعل بقره تلحس رأسك” فما كان من الأستاذ الا ان حنى رأسه ، وقال : ” اتفضل..الحس”
قرر احد التلاميذ الهرب من المدرسه في منتصف الدوام , فقام بالتسلل الى احدى نوافذ الدور الأرضي , وقفز منها الى ساحة المدرسه، ثم اسرع راكضا الى الجدار، وقفز منها الى اعلاه ثم قفز الى الارض، ليقع على .. في نفس تلك اللحظه كان هناك احد المدرسين الذين يسترقون وقت الفسحة لاستغلاله بالتدخين بعيدا عن الاعين, و..(طراخ) فوق رأس المدرس الذي اصيب بضيق التنفس، وفقد الوعي ، وتم القبض على الطالب بتهمة اشتبا
طالب فقد الأمل في الإختبارات بأن يأتي بكلمة صحيحة , فقام بتكرار عبارة واحدة على جميع أوراق دفتر الامتحان , وهي : الإجابة خلف الورقة , ثم كتب في الصفحة الأخيرة: بتدور على ايش يا أستاذ؟

شاركها

مقالات ذات صلة